Хайтан.

Ойрд гэр орондоо салхи оруулсангүй . Яг одоо цэцэглэж байгаа гоё хайтангуудынхаа зургаар гэрээ гоёлоо.

Дахлия - Мандарваа - Георгинa - Dahlia

Мандарваа цэцгийг булцуугаар болон үрээр ургуулдаг. Гадаа талбайд нэг наст цэцгийн адилаар ургуулна.
Тод гэрэлтэй, задгай талбайд ургадаг. Намгархаг газарт ургахдаа муу. Усалгаа тогтмол, хангалттай их. Чийгэнд дуртай ургамал гэж тооцогддог. Өндөр сорт, төрлүүдийг тулгуурт боох хэрэгтэй. Бордоо тогтмол хийнэ. Хөрс сийрүүлж байна. Өвөл булцууг ухаж гаргаад сэрүүн газар хадгална. Задгай талбайд булцуугаа 5 сарын сүүл - 6 сарын эхээр суулгана. Урьдчилаад 4-5 сард саванд булцууг суулгаж үндэслүүлж амралт үеээс гаргана.
Үрслүүлэх арга
Георгиныг булцуу хуваах, бут хуваах, мөчрөөр, заримдаа үрээр гэж үржүүлж авдаг. Хамгийн амархан арга бол бут хуваах. Үүний тулд булцууг хурц хутгаар 2-3 хэсэг хуваана. Хуваасан хэсэг бүр дээрээ ургах цэгтэй байна. Зүссэн газрыг модны нүүрсээр бүрнэ. Хатаагаад хөрсөнд суулгана.
Мөчрөөр үрслүүлэх бол эхлээд 2 сараас 3 сарын хооронд хөнгөн, тэжээллэг хөрсөнд ургуулна. Усалгаа багавтар, үндэслүүлэгч бодис хэрэглэж болно
Нэг метр өргөнтэй талбайд 10 см гүн нүх хэд хэдийг ухаж бэлдэнэ. Суулгахдаа хооронд нь 50 см зайтай. Хэт өндөр сортын цэцгийг 80см зайтай суулгаж болно.
Хуурай цаг агаартай бол эхлээд нүхэндээ дүүртэл ус хийж чийглэнэ. Дараа нь булцуугаа эгц босоо суулгана.

 Энэ зун манай хашаандаа ургуулсан МАНДАРВААНУУД.

                                   Булцуугаар ургуулсан, цэцэг ихтэй , өтгөн сорт.

Мөн булцуугаар ургуулсан, цэцэг цөөн , навч ихтэй ч , цэцэг нь их содон, бас чамин.

Үрээр ургуулсан. Үрийг 2 сард суулгаж, 6 сарын эхээр гадаа талбайд гаргасан.

Мөн үрээр ургуулсан, гоё өнгөтэй, оранж буюц хулаас цайвар луу ууссан өнгөтэй.

Булцуугаар ургуулсан. Маш өтгөн цэцэгтэй, бараг навч нь харагдахгүй болтлоо битүү цэцэглэнэ.

            Булцуугаар тарьсан. цэцэг нь маш том. цэцэг ихтэй. Өтгөн бут хэлбэрээр ургана.

Хашаанд минь дэлгэрч байгаа гоёмсог цэцгүүд.

АЛАГ НҮДЭН - ФИАЛКА - VIOLA

 

ЗХУ, Өрнөд европын сибирээс гаралтай. 15-30 см өндөр ургадаг олон наст ургамал боловч нэг наст цэцгийн адилаар тарьж ургуулна. иш шулуун бутлаж ургана. Хүйтэнд тэсвэртэй, ялзмаг бүхий хар шороон хөрсөнд сайн ургана. Навч зууван, шүдлэг, цэцэг нь том жижиг төрөлтэй , ганцаар байрласан, цагаан шар, , хөх, ягаан зэрэг олон өнгөтэй. Дулаан байр хүлэмжинд 3-р сарын эхээр үрслүүлж жинхэнэ навч гарангуут 7х7 см зайтайгаар шилжүүлэн суулгана. Гаднын нөхцөлд дасгах зорилгоор 4-р сараас дарлага эсвэл тагтанд гаргаж хүйтэн өдөр хучиж дулаална. Ногоон байгууламжинд зүлгэн дээр бөөнөөр толбо үүсгэж тарих буюу тагт чимэглэхэд тохиромжтой. 1 м.кв талбайд 15-20 ширхэг үрслэгн суулгана.

Хайтангийн Батсүхийн бэлэг "алаг нүдэн"

Rosa - Роза - Сарнай

Сарнай нь чимэглэлийн хамгийн тансаг ургамал. Цаг агаарын чийглэг нөхцөлтэй газруудад ихэвчлэн гадаа тарьдаг. Тасалгааны нөхцөлд бага ургуулдаг боловч сүүлийн үед тасалгааны сарнайг ихээр сонирхон ургуулах болсон. Тасалгаанд ургуулахад гол анхаарах зүйл нь маш сайн гэрэл, агаарын харьцангуй их чийг, цэвэр агаар, их хэмжээний ус шаардлагатай. Хагдарсан цэцгийг авч хаяснаар цэцэглэлтийг уртасгана. Сарнайн өнгөрсөн жилийн мөчир нь цэцэглэдэг учраас тайралт хийхдээ үүнийг анхаарах хэрэгтэй. Тасалгаанд хамгийн зохицсон эрлийз хэлбэр нь нангиад балтгай сарнай юм.
ДУЛААН. ургалтын хугацаанд 14-20 хэм
ГЭРЭЛ . Маш хурц, хамгийн гэрэлтэй цонхон дээр, өвлийн богино өдрүүдэд оройн цагт байгалийн өдрийн гэрэлтэй ойролцоо хэмжээний гэрлээр нэмж гэрэлтүүлэх.
УС. Хөрсийг хатмагц их хэмжээгээр.
АГААРЫН ЧИЙГ. Савтай ургамлаа дулаан өрөөнд ус, хайргатай саванд тавьж, навчийг байнга шүршиж байх.
ЦЭЦЭГЛЭЛТИЙН ДАРААХ АРЧИЛГАА. Намар нэлээд удаанаар гадаа байлгах. өвлийн дунд сард мөчрийг өндрийн талтай тэнцэх хэмжээгээр тайрч өгнө. Эхлээд дулаан өрөөнд байлгаж байгаад дараа нь хоёр долоо хоног сэрүүн газар байлгана.
ҮРЖҮҮЛЭХ АРГА. Хавар ишний найлзуураар үндэслүүлж болох бөгөөд өдөөгч бодис ашиглана. Мөн хавар үрээр үржүүлнэ.

МИНИЙ САРНАЙН ЕРТӨНЦӨД ТАВТАЙ МОРИЛ.

Өглөө бүр харах гэж яаран сэрдэг, өдөр бүр сэтгэл сэргээдэг ялдамхан хонгор сарнайхнууд минь. Таалан болгоож сэтгэлээ сэргээгээрэй.

ПЕТУНИЯ - ХУН ЦЭЦЭГ.

 

Нэг ба олон наст хэлбэрээр ургадаг. Хун цэцэг нь өндөр ба сортоосоо хамааран 10см-ээс 70 см хүртэл өндөр ургадаг. Нэг наст хун цэцгийг эрт цэцэглүүлэхийн тулд үрээр хавар 2-3-р сард үрслүүлэх нь тохиромжтой бөгөөд эсвэл 18-20 градусын дулаантай болсон үед гадна талбайд шууд үрээр тарьж болно. Үр соёолуулахад үрийг булалгүй хөнгөн хөрсөнд цацаж бараан өнгийн нийллэг хальсаар бүрхэж өгөх ба 7-12 хоногт соёолж гүйцнэ. 3-5 жинхэнэ навчтай болох үед том саванд шилжүүлэх буюу гадна талбайд ургамал хооронд 10-15 см зайтай /том ургалттай сортыг 20-25см зайтай/ шилжүүлэн суулгана. Гэрэл дулаанд маш дуртай, нартай орчинд илүү цэцэглэх ба сэрүүн нөхцөлд цэцэглэлт нь мууддаг байна.Цэцэглэх хугацаа 90 хоног үргэлжилнэ. Нялх үрсэлгээг зөөвөрлөхдөө болгоомжтой хандах хэрэгтэй маш эмзэг байдаг. Харин 6-7 дахь навч гарах үеэр иш нь моджоод зөөвөрлөлтийг даах чадвартай болсон байна. Иш нь модлог учир ган болон цаг агаарын өөрчлөлтийг даах чадвартай.Ягаан, нил ягаан, цагаан, улаан болон алагласан өнгөтэй, дан болон давхар дэлбээтэй, сагсгар болон энгийн хэлбэрийн олон төрлийн цэцэгтэй ургамал юм. Хэт их өндөр болдоггүй олон өнгийн цэцэгтэй тул гадна талбайн тохижилт чимэглэлд ашиглахад тохиромжтой.Ургалтын туршид соёололт, цэцэглэлт, үр боловсрох үеүдэд гумины бордоогоор болон цэцэглэлтийг дэмжих бордоогоор 14 хоногт 1 удаа бордож өгнө. Сүүлийн үед хун цэцгийн маш олон төрөл сортууд шинээр гарч ирж байна.

Хун цэцгийн үрийг хурааж авахгүй бол хагдарсан цэцгийг байнга түүж авах хэрэгтэй. Тэгвэл цэцэглэлт нь удаан үргэлжилнэ. Нэг наст боловч цэцэгчид  тасалгаанд ургуулж, мөчрийн тайралт таналт хийн залуужуулан удаан цэцэглүүлэн гэр орноо чимэглэсээр байна. Гадаа ургуулсан хун цэцгийг 9-р сарын сүүлчээр гэрт оруулахад өвөлжин цэцэглэнэ.

Хөдөөгийн аялалаас..

Цэцэгнүүд маань цэцэглээд л, сэтгэл сэргээж байна даа.

Миний хамгийн хайртай хайтан цэцэг минь.Өнгө нь үнэхээр гоё шүү.

Оранж хайтан ч бас гоё цэцэглэж байнаа.

Азалия цэцэглэж дуусч байна.

Ялдамханых нь ялдам бас цэцэглэсээн.

Сарнайн дэлбээт шимтэглээ.

Ягаан толбот цагаан цэцэгтэй шимтэглээ тасралтгүй цэцэглэж байна.

Сүүт өргөст өвс өвөлжин цэцэглэсэн, одоо ч цэцэглэсээр.

Үрээр тарьсан сарнай ийм цагаан, ягаан цэцэгтэй юм байна.

Ягаахан дэлбээт чоёо.

Тансагхан цэцэгтэй хим.

Ялдам хосороо дэлгэрэх нь ээ.

Час улаан сарнай цэцэгт хайтан цэцэглэж эхэллээ.

Булцуут хайтан цэцэглэж эхэллээ. Энэ хавар булцуугаар тарьсан, ийм хөөрхөн тансаг цэцэгтэй юм байна.

Эгдүүтэй хөөрхөн чоёохонууд.:

Ари амьдаагийн бэлэг алтан загас гэрэлтэж эхэллээ.

Алаг халганай ...

Цэцэгнүүдээ цэцэглэхээр дагаад л сэтгэл цэцэглэчихдэг дээ. Үнэхээр гоё шүү.

Ажлынхаа өрөөнд.

Компьютерийнхээ хажууд өргөстийн хөөрхөн цуглуулга хийгээд тавьчихлаа. гоё ургах болтугай.

“Эрчүүдийн цэцгийн ертөнц” Үзэсгэлэн,худалдаа

2012-5-9-ны өдөр 11 цагаас
• Хүүхдийн ордны үзэсгэлэнгийн танхимд нээлтийн үйл ажиллагаа.


2012-5-12-ны өдөр 11 цагаас

• "Цэцэгс уран зурагнаа" гар зургийн уралдааны
шагнал гардуулах ёслолын ажиллагаа


2012-5-13-ны өдөр 11 цагаас
• Үрээ өөрөө тарьж, Орчиноо өөрсдөө чимье" Эссе бичлэгийн уралдааны шагнал гардуулах ёслолын ажиллагаа


2012-5-14-ны өдөр 11 цагаас
• Хүүхдэд ээлтэй ногоон орчиныг бүрдүүлье уралдааны шагнал гардуулах ёслолын ажиллагаа
2012-5-14-ний өдөр 18 цагаас хаалтын ажиллагаа

Утас: 96680378, 99603734, 99885394, 99261880,


Зохион байгуулагч :
• "Хайтан цэцгийн клуб "ТББ
• Танайд мод тарья нэвтрүүлэг

Ивээн тэтгэгч:
• Экстра Орос Худалдааны Төв

 

Увдист ертөнц" цэцгийн үзэсгэлэн худалдаа

Увдист ертөнц" цэцгийн үзэсгэлэн худалдаа 2012 оны 4 дүгээр сарын 20, 21, 22 ны өдрүүдийн 10.00-19.00 цагт МУИС-ийн Экологийн боловсролын төв дээр зохион байгуулагдах тул та бүхнийг өргөнөөр оролцохыг урья. Түүнчлэн цэцэг ургамалтай холбоотой бараа бүтээгдэхүүн борлуулах сонирхолтой албан байгууллага, хувь хүмүүстэй хамтран ажиллана.
Лавлах утас: 99 81 88 21, 95 03 07 47, 99 06 80 49

Дахиад л бэлэг......

Клубийнхнээсээ бэлэг аваад , оруулж чадахгүй явсаар байгаад өнөөдөр л орууллаа. Намуран, Ари, Игээ, Мянгаа нараасаа эдгээр бэлэгнүүдийг аваад, бөөн баяр. Нэг  наст мандлын цэцэгнүүдийнх нь үрсэлгээг хийчихсэн, гоё ургахаар нь зургуудийг нь яг энэ сэдэв дотроо оруулнаа.

Мянгаагийн маань чехээс явуулсан цээнэ цэцгийн үндэслэг булцуу. Энэ миний мөрөөдлийн цэцэг байв. Охинтой айлд ээлтэй цэцэг гэсэн. Олж тарьж үзэхийг олон жил мөрөөдсөөр яваад энэ жил хүсэл минь биелэв.

Жижигхээн ногоон соёо цухуйчихаад байна. Хаа хол чехээс энд ургаж намайг баярлуулах гэж зүтгэж ирсэн чамин цэцэгхэн.

Гэгээн сэтгэлээр биесээ дэмжиж, гэргий нэрээ гэрэл цацартал авч яваа сайхан бүсгүйчүүдээ , та нартаа маш их баярлалаа. Бэлгийн үр , булцуунуул\даа маш гоё ургуулаад зургийг нь харуулнаа.

Үрсэлгээнүүд минь баясав.

Үрсэлгээ хийхэд хамгийн чухал нь гэрэлтүүлэг гэдэг. Миний хэдэн үрсэлгээнүүд гэрэл дутаад сунаад байсан чинь, өчигдөр хань минь, ингээд сайхан гэрэлтүүлэг хийгээд өглөө. Гэрэлтэй болсон учраас цэцэгнүүд минь сайхан ургах байхаа.

Үрсэлгээг мандалд шилжүүлэн суулгах.

Сайн чанарын шилбэ бүдүүнтэй үрслэгийг ил хөрс, мандалд суулгахад хорогдол багатай байдаг.
Ил талбай болон мандалд суулгах үрсэлгээг нэг өдрийн өмнө усална. Хайрцагнаас үрсэлгээг авахдаа үндэсийг гэмтээхээс хамгаалж, шорооны хамт зүсэж авна. Үрсэлгээг авах, зөөх, тээвэрлэх, суулгах ажлыг зөв хийх явдал олон талын ач холбогдолтой. Үүнд:
1. Үрсэлгээг ил талбай, мандалд бүрхэг өдөр суулгавал амархан сэргэнэ.
2. Гэнэтийн цочир хүйтрэлт болохооргүй байх хугацааг олж гаргах хэрэгтэй.
3. Үрсэлгээг авах, зөөх явцдаа үндсийг нь гэмтээхгүй байхыг анхаараарай.
4. Хэт гүн буюу гүехэн суулгаж болохгүй.
5. Үрсэлгээгсуулгаад дараа нь усална.
6. Үрсэлгээг суулгаснаас хойш үзлэг хийж 3-5 хоногт багтаан нөхөн тарилтыг хийнэ.
Суналтгүй үрсэлгээг бойжуулах нь хамгийн чухал шүү. Хэрвээ үрсэлгээ давжаа байх юм бол нэмэлт арчилгааг сайн хийх хэрэгтэй. Үрсэлгээ ургуулах арга, технологийг сайн баримталж чадвал эрүүл сайн ургамал ургуулж, тод өнгөтэй, үзэмж сайтай цэцэг ургуулахаас гадна, ирэх жил тарих үрийг хураан авах болно.

Чимэглэлийн нэг наст цэцэг тарих арга.

Гадна, хашаандаа мандлын нэг наст цэцэг ургамал анх тарьж ургуулж эхэлж байгаа хүмүүст хэрэг болж магадгүй гэсэн үүднээс мандлын цэцэг хэрхэн тарих талаар бичлэг оруулж байна.
         Цэцэг тарьж ургуулах гэдэг нь өнгө үзэмжтэй төдийгүй эрүүл ахуйд онцгой чухал юм. Тоос шороо ихтэй , утаа униартай газар, алаг цэцэгс, ногоон ургамлын үүрэг их байдаг. Иймээс ногоон ургамлыг байгалийн жинхэнэ фабрик- ногоон уушиг гэж нэрлэдэг.
Өөрийн амьдарч буй орчноо цэцэрлэгжүүлэх, арчлан ха мгаалах талаар хүн бүр тодорхой зөв, үндсэн мэдлэгтэй байж, түүнийгээ өөрсдөө гардан хийж, зохих журмын дагуу чанартай гүйцэтгэснээр бид бүхний орчноо чимж тохижуулах, мөн өөрсдийнхөө эрүүл мэндэд хийх хөрөнгө оруулалт маань бодитой үр дүнд хүрнэ гэж боддог.
        ҮР. Тариалалтанд зориулж буй бүх материалыг үр гэнэ. Үр нь тухайн ургамлын удмыг залгуулагч болохын хувьд түүний бүхий л шинжийг өөрөөрөө дамжуулан удамшуулах үүрэгтэй "бага хэмжээний, дүрс хувирсан ургамал" юм. Нас гүйцсэн ургамалд явагдаж байдаг бүх эд эрхтнүүд, үрэнд байдаг бөгөөд , ургамлын амьдралын бүх процесс, үйл ажиллагаа үрийн дотор явагдаж байдаг. Аливаа ургамлын үрүүд нь хэмжээ, хэлбэр, жингээрээ ялгаатай байдаг.Чимэглэлийн нэг наст үрний хэмжээ ихэвчлэн жижиг байдаг. Том үрийг хөрсний чийгтэй хэсэгт гүн тарьж болох ч жижиг үрээр тарилт хийхдээ талбайг сайтар тэгшилж, үр суулгах гүнийг нарийн тохируулна. Эсвэл ил цацаад элсээр маш нимгэн цацах маягаар хучиж болно. Үрийг хуурай, сэрүүн, харанхуй газар хадгална. Хэт дулаан, чийгтэй орчинд хадгалсан үр соёолох чадвараа алдана.
     СОЁОЛОЛТ. Үр ургаж, үндэсний үүсвэр цухуйхыг соёололт гэнэ. Ургамлын үр хөөж томрох, соёолох үедээ дулаан ихээр шаарддаг. Энэ үед үрийн шимт тэжээлийн нөөц бодисын ихэнхи нь зарцуулагдана. Иймээс залуу ургамлыг шимт тэжээлийн бодисоор дутагдалтай байгаа үед нь дулааныг ихэсгэвэл амьсшалах явц түргэсч, тэжээлийн бодис улам ихээр зарцуулагдан сая соёолсон залуу ургамал сунаж туяхан болно.Үндэс үүсч газрын хөрстэй харилцах үед үрийн хөврөлийн хуйларсан навчинцар дээшээ сунаж хөрсний дээр гарч ирнэ. Цэцэг бүрийн цэцэглэх хугацаа адилгүй байдаг. Иймд төрөл бүрийн нэг наст цэцэгт ургамлыг үрээр шууд тарих, үрсэлгээгээр тарих гэсэн үндсэн хоёр арга байдаг.

Үрээр ил хөрсөнд тарих.
1. Хөрсийг 20-22 см гүн хагалж чулуу, хог ургамлын үндсийг нь цэвэрлээд, бордоог хольж усалж чийглэн тэгшилж тарих дэвсгийг бэлдэнэ. Ямар ч бордоог ашиглаж болно. Жишээ нь : бууц, сангас, үнс, дэлгүүрээр зарагддаг биоялзмаг гэх мэт.
2. Үрийг тарихдаа эхлээд хагалж бэлдсэн талбайгаа тэгшлээд элдэв хэлбэр дүрс гаргахын тулд олс, эсвэл утсаар татаж гадаслана.
3. Үр суулгах хугацаа 5 сарын сүүлийн 10 хоногоос 6 сарын эхний 5 хоногын дотор байна.
4. Үрийг суулгахдаа үрийн том жижгээс шалтгаалан 1-1,5 см хүртэл шороогоор хучиж, сайн нягтруулан усална.
5. Үр тарьсан талбайг усалж өдөр бүр чийгийг нь үзэж байна.
6. Тарьсан хугацаа, сортын нэр, үрийн танилцуулгыг бичиж аваад түүнийгээ дараа жил харьцуулан ашиглана.
7. Хэрэв шөнө дулааны хэм 5-аас доош буух буюу цочир хүйтрэхээр байвал хөрсийг хучиж хамгаалалт хийнэ.
8. Хөрс дулаан байвал үр хурдан, жигд соёолно.
Энэ бүхэн нь хөрсөнд шууд тарих аргаар суулгасан үрийн ургалтанд таатай нөхцлийг бүрдүүлж цэцгийн үзэмж сайжирч, хэмжээ томорч, тод өнгөтэй өсөж бутжих нь түргэсэхийн зэрэгцээ цэцэгтэйгээ удаан байдаг байна.

Үрсэлгээ ургуулах.
Шилжүүлэн суулгах зорилгоор бойжуулсан бүтээгдэхүүнт эрхтэн үүсээгүй залуу ургамлыг үрслэг гэнэ.Үрсэлгээг тодорхой хугацаанд хүлэмж, дарлага, өрөө тасалгаанд бойжуулна. Чимэглэлийн ихэнхи нэг наст цэцэг нь үрсэлгээр дамжиж ургадаг бөгөөд эдгээрийг жижиг үртэй учраас ингэж тарих ажлыг аль болох эрт 2-р сарын сүүлийн 7 хоног буюу 3-р сарын эхний 7 хоногоос явуулах нь тохиромжтой байдаг. Цэцгийн үрийг модон хайрцаг, ваар, хуванцар, ер нь ямар ч саванд суулгаж болдог.
1. Саванд хар шороо, элс 6:4 харьцаатай хийж тэгшлээд усална. Ус шингэсний дараа үрээ тарина.
2. Жижиг үрийг элстэй хольж дээрээс нь зөөлөн дарж , том үрийг бол шигтгэж шороо эсвэл элсээр далд ортол нь хучина.
3.Үрийн соёололтыг түргэсгэж, хөрсний чийгийг хадгалах зорилгоор дээрээс нь шил буюу хүнсний цаасаар таглан ваакуумдаж өгнө.
4. Үрийн ургах дулаан +18...+20 хэм байвал түргэн соёолдог. Соёололт жигдэрснээс хойш байрны дулааныг +2..+5 хэмээр буулгана. Үрслэгийн 3 дахь навч гарснаас хойш суналт багатай, шилбэ нь бүдүүн, сайн чанарын үрслэг бойжуулахын тулд 5х5, 7х7 см зайтайгаар өөр хайрцаг саванд шилшүүлэн суулгана.Үрслэг ургуулахдаа чийг дулаан, орон зайг нь тохируулж өгвөл сунахгүй ургана.

Арчилгаа.
Үр суулгаж дууссанаас хойш талбайгаа байнга цэвэрлэж, үрслэг бойжих хугацаанд усалгаа хийх, хөрс сийрүүлэх, бордох ажлыг тогтмол хийж улмаар 6-р сарын сүүлээр задгай талбай, мандал, тагтанд гаргаж суулгана. Үрийн 2 дахь жинхэнэ навч гарсны дараа, үрслэгийг ил талбайд гаргаснаас хойш 2 долоо хоногт эрдэс бордоогоор бордох ба ийм нэмэлт бордоог 2 долоо хоног тутамд нэг удаа хийж бордоно. Үрслэгийг өдөр бүр услахгүй. Ус ихэдвэл үрслэг сунаж , сунасан үрслэг ил талбайд гараад амьдарч чадахгүй.

(Нийт: 85)